Psa 15 | MMX | STEP | Leeme Silok, nege i epovo na vubeles at loogu xaala ram? Nege i epovo na nemen eburu minu ro Saion at lakaana xaala ram?

Psalms 15

Loklok Ne Moroa I Vara I

1 Leeme Silok, nege i epovo na vubeles at loogu xaala ram? Nege i epovo na nemen eburu minu ro Saion at lakaana xaala ram?

2 Neni laradi i mumu asu lavavara at ne Moroa at leventaangas axap, la ik lok amisik leveloklok ik mokso la levelinga ren i ruturun amisik; 3 la kopmen ni na paase asi taasen at tara ukopok; kopmen na lok tibilinga ri larapen tangas teren, kopla na paase mumu nedi dik lok auret tin. 4 Neni i rexes nedi no ne Moroa ik sok sisixe nedi. Ketla neni ip kiv aurut levenasen atnedi di mumu asu levelinga at Leeme Silok. Ik lox epovo amisik leveng kakaape ren, keke i do i lolos aleng tin, ni ixo epovo na ke xepe i. 5 Im taba levendinau, ketla kopmen dina porang i mi luunun i volo. Ixo epovo do tara na un i mi tevempilas kusu na vaxaru taradi mokmokso at tavapaase.

Laradi i mumu asu na leveloklok, lixitkis teren naba nemen matmatkun.